يحي غنام و28 يناير

انا مقتنع ان يحي كان بيقدم فن مختلف

عميق، جماعي ، جديد مع قديم، متعوب عليه ، حمال فكر ، تحسه بيتكلم عن حاجات جوانا مش عارفين نتكلم عنها ، .خيالي مع واقعي

انا متخيل ان بعد 28 يناير الفن يكون كده

اغلب اغاني يحي غنام كده وطول عمره كان كده من اكتر من 20 سنة وهو كده

لو مسكت اغنيه اغنيه اشرحها علشان اوضح انا قاصدي ايه حاكون بضيع وقت لان الفن بيتحس مش بيتشرح ،

واسيبكم مع كلمات الاغنية دي رغم اني افضل انكم تحاولوا تسمعوها على الرابط ده

http://http://www.youtube.com/watch?v=ucDY8oJP3H8

مستمر في حبي ليكي

مستمر ف حبي ليكي مستمر

مهما قالوا حاستمر

مستمر انا ف حبي ليكي مستمر مستمر

مهما كان في سماكي غيم والسحاب مش مستقر

مهما اشوف الصعب منك

مهما اقاسي في بعدي عنك

مش حاخون ولا ابوح بسر

وف هواكي انا مستمر ف حبي ليكي مستمر

علمتني الدنيا اواجه ف الزمان ده كل شر

علمتني عنيكي اقاوم

علمتني لا اساوم

علمتني ابقى حر

وف هواكي انا مستمر في حبي ليكي مستمر

لو تفرقنا المفارق مستحيل اهرب وافارق

حستمد القوة منك

واعشقك وحدك لانك

الوجود والمستقر

وف هواكي انا مستمر في حبي ليكي انا مستمر

مهما قالوا حاستمر

الاغنية ليحي غنام وفرقته وكلمات مجدي كامل

حدش معاه تليفون عمرو دياب

حدش معاه تليفون عمرو دياب

بناديك تعالى

نفسي اكون زي نوارة نجم مش حاطه فلتر وبتعبر كده من غيره

بس حاعمل ايه مقتنع ان الواحد بعد 28 يناير لازم يكون مختلف

بس بجد أككه يا عمرو

لو حد معاه تليفون عمرو يقولوا ايه اللي انتي بتغنيه ده انت فلول ، انت ماحستش ايه اللي حصل يا عمرو الووو يا عمرو اصحى يا هضبة احنا اتغيرنا ولا انت بتراهن على اننا ماتغيرناش ، لازم تعرف اننا اتغيرنا اوي كمان ومش معنى اننا لسه ماححقناش اللي عايزينه مية في المية يبقى التغير مش جاي، لا يا هضبة خانك زكائك لما تعمل شريط مش فارق نسمعه دلوقتي او قبل 28 يناير

حتى لو عدى تسع شهور مش حاننسى ولا حننام ،

يا جدعان حد يوطي على ودنه ويفهمه احنا مش احنا بعد الثورة

وانا متاكد ان شريطك مش حايعيش زي اللي فاتوا

ده يخلينا نتكلم عن ايه نوع الفن اللي مستنينه دلوقت

اولا انا مش من دعاة التحولات المتطرفة يعني لو ماكنشي عمرو دياب يبقى نسمع فن ثورجي كله نضال رغم انه مطلوب جدا بس يكون معمول حلو ومتعوب عليه

يعني اغنية مطلوب زعيم تحفة جدا واكيداغاني الثورة كانت ملهمة وتستحق تخلد..... بس الثورة الان في مرحلة بناء دولة ونضال من نوع تاني محتاج فن اكثر تعقيد او فن اكثر عمق فن بيتكلم عن بطل من نوع تاني عارف هو عايز ايه ورايح فين وبيحسب حسابات معقدة جدا بأليات في التفكير مختلفة عن قبل كده ,, عايزين فن يورينا السكة قدام عامله ايه عايزين فن الخيال فيه اكتر من الوقاع لان الواقع دلوقتي متلخبط وعايزينه يفكر معانا لقدام ، بس في نفس الوقت الفن اللي من النوع ده مش حايتعمل الا لما احنا نفسنا نكون نجهز ليه ..

انا لسه ماسمعتش حمزة نمرة وتجربته لان مستني الناس تبطل تتكلم عنه علشان احكم بصورة اقل استهلاكية ، بس مستني في نفس الوقت منير حايقول ايه وكمان بترحم على ايام يحي غنام ونوع فنه وافكاره ,

يحي غنام كان بيغني لدلوقتي من اكتر من خمستاشر سنة فاتوا والبوست اللي جاي حاحط كلمات لواحدة من احلى اغانيه

بس انا هنا بوشوش عمرو وبقوله "مين؟؟؟؟ ادهم لبش ....زمنك راح يا كابتن" من فيلم ضحك ولعب وجد وحب للمبدع طارق التلمساني

الى من يهمه الامر

عودة جديدة

من فبراير 2010 لم اكتب في مدونتي شيء والان رأيت ان هناك جديد ممكن اضيفه

الان لان مصر الان غير مصر في فبراير 2010 وبالمناسبة اخر مدونة كانت عن المستقبل السياسي لمصر تحليلا لعشر لقاءات قامت بها المصري اليوم وكل التحليلات لم تتحقق الا واحدة وهي سيطرة الجيش على ادارة البلاد ، خليبنا نقول سيطرة مؤقتة لحد مانشوف حايحصل ايه بعدين

المهم ان الهدف من المدونة مش النهاردة ، الهدف من المدونة بكرة وبعده

يعني انا حاكتب اللي شايفه لبكرة في محاولة اننا نشتغل عليه ونعمل حسابه علشان نبقى جاهزين

مش لازم يكون الموضوع تحليل سياسي ولا لازم يكون الموضوع سياسي اصلان لان بكرة ده شامل كل شئ

ممكن يكونالموضوع سياسي او اجتماعي او غنائي او اي فكرة تانية

وكمان ممكن يكون ذاتي جدا ماهو بكرة ده شامل وجودي فيه

ححاول اكون زي المدونة القديمة بس من منظور جديد

بس عموما اللي حاقوله هو انا مش حد تاني ، حتى لو استعنت بكلام حدا تاني ودي ميزةالمدونة

مقدمة لازمة حتى لو ماهياش مفيدة

فارس من ضمن فرسان النور